2020 оны 7-р сарын 1 дүгээр 10 хоногийн цаг агаарын нөхцлийн тойм:

ХАА-Н ЦАГ УУРЫН ӨНГӨРСӨН АРАВ ХОНОГИЙН ТОЙМ

/2020 оны 07 дугаар сарын 01-р арав хоног/

2020.07.16                                                                                                                         Зуунмод

 Агаарын дундаж температур: Нийт сумдын нутгаар 16.1-22.3 градус дулаан байлаа. Зуунмод, Баян, Алтанбулаг сумдын нутгаар ОЖД-аас 0.2-0.6 градусаар хүйтэн, Баянчандмань, Баян-Өнжүүл, Жаргалант, Мөнгөнморьт,  Баянжаргалан, Эрдэнэ сумдын  нутгаар ОЖД-ийн орчим, бусад сумдын нутгаар 1.5-3.8 градусаар дулаан  байв.

 Агаарын хамгийн их температур: Нийт сумдын нутгаар 27.0-34.0 градус байлаа. 30 ба түүнээс дээш давж халсан хоногийн тоо нийт  сумдын нутгаар 1-2 өдөр.   

 Агаарын хамгийн бага температур: Нийт сумдын нутгаар 7.0-13.0 градус дулаан байв.

 Хөрсний хамгийн их температур: Нийт сумдын нутгаар 50.0-61.0 градус дулаан байлаа.  40 ба түүнээс дээш халсан хоногийн тоо 3-10  байлаа.   

Хөрсний хамгийн бага температур: Мөнгөнморьт, Эрдэнэ сумдад 4.0-5.0 градус, бусад сумдын нутгаар 8.0-12.0 градус дулаан байв.  

Хур тунадас: Батсүмбэр сумын нутгаар 102.7 мм, Баянчандмань, Мөнгөнморьт, Борнуур, Цээл, Эрдэнэ, Жаргалант  суманд 61.5-85.8мм, Зуунмод, Мөнгөнморьт, Баянжаргалан, Баянцагаан сумдын нутгаар 30.6-44.5, бусад сумдын  нутгаар 1.3-25.3мм тунадас орсон байна.

Салхины их хурд: Батсүмбэр, Эрдэнэсант суманд 8-9м/с, бусад нутгаар 10-20 м/с ба түүнээс их салхитай байсан хоногийн тоо 1-8 өдөр байв.

Бэлчээрийн ургамлын ургалтын байдал: Бүрэн суманд мал ногоонд цадах боломжгүй өвс, ургамал маш муу ургасан, ургалт зогсонги байдалд орсон зуншлага онц муу,  Лүн, Баян-Өнжүүл, Өндөрширээт, Аргалант, Баянцагаан, Дэлгэрхаан сумдын нутгаар ургамлын ургалт  муу, өсөлт хөгжилт хэвийн явагдаагүй зуншлага муу, Баянчандмань, Эрдэнэсант, Алтанбулаг  сумын нутгаар ургамлын ургалт жигд зуншлага дунд зэрэг, бусад сумдын нутгаар зуншлага сайн байна.

Бэлчээрийн ургамлын үе шат, өндөр: Баянчандмань, Жаргалант, Баян суманд хялганы залаалалт, Баянжаргалан  цэцэглэлт, Дэлгэрхаан суманд ширэг улалжийн цэцэглэлт, Баянчандмань, Бая-Өнжүүл суманд агийн бундуйжилтийн үе шат ажиглагдсан ба бусад сумдын нутгаар бэлчээрийн ургамалд шинээр үе шат ажиглагдаагүй байна. Бүрэн, сумдад ургамлын өндөр хэмжих боломжгүй, бусад сумдын нутгаар 3-16 см өндөртэй байна. 

Таримал ургамлын үе шат:  Баянчандмань  суманд цэцэглэлт, Угтаал суманд төмсний баг цэцэгийн үүсэл, Жаргалант суманд шинэ үе шатгүй, Угтаал  суманд буудайн ишний доод үе  хөрсний гадарга дээр гарах, Эрдэнэсант суманд шинэ үе шатгүй, Цээл суманд гололтын үе шат ажиглагдсан  байна. Буудайн өндөр 13-29 см байна.

Хөрсний чийгийн мэдээ: Угтаал, Эрдэнэсант суманд буудай тариалсан талбайд 0-20 см, 0-50 см-ийн гүнүүдэд хангалтгүй, Төмс тариалсан талбайд 0-20 см, 0-50 см гүнд Баянчандмань суманд хангалттай, Жаргалант сумын нутгаар чийгшил дунд зэрэг. Угтаал суманд хангалтгүй байна.

Царцааны байнгын ажиглалт: Баянчандмань, Угтаал, Мөнгөнморьт, Зуунмод,  Батсүмбэр сумдын нутгаар бараан далавчит царцааны авгалдай 2ш ажиглагдсан. Бусад сумдын нутгаар царцаа ажиглагдаагүй байна.

Тойм бичсэн:ХААЦУ-ын салбар хариуцсан

 технологич                    И.Түвшинжаргал