Сэрэмжлүүлэх мэдээ: Дохио!!! Цаг агаарын аюултай үзэгдлээс сэрэмжүүлэх мэдээ: Өнөө шөнө газар тариалангийн бүс нутгаар хөрсөн дээр цочир хүйтэрнэ.

Цаг уурын мэдээ > Хөдөө аж ахуйн цаг уурын тойм

2020 оны 5-р сарын дунд 10 хоногийн цаг агаарын нөхцлийн тойм:

Шинэчлэгдсэн: 2020-06-03 21:36:39

ХАА-Н ЦАГ УУРЫН ӨНГӨРСӨН АРАВ ХОНОГИЙН ТОЙМ

/2020 оны 05 дугаар сарын 02-р арав хоног/

        2020.05.23                                                                                                                      Зуунмод

Агаарын дундаж температур: Нийт сумдын нутгаар 8.7-15.1 градус дулаан байлаа. Баянчандмань, Баян-Өнжүүл, Жаргалант, Зуунмод, Баян, Мөнгөнморьт, Угтаал, Эрдэнэсант сумдын нутгаар ОЖД-ийн орчим, бусад сумдын нутгаар  1.2-4.5 градусаар дулаан байв.

Агаарын хамгийн их температур: Нийт сумдын нутгаар 19.0-27.0 градус байлаа. 30 ба түүнээс дээш давж халсан хоногийн тоо байхгүй.   

Агаарын хамгийн бага температур: Алтанбулаг сумын нутгаар 0 градус дулаан, бусад сумдын нутгаар 1.0-5.0 градус хүйтэн байв.

Хөрсний хамгийн их температур: Зуунмод сумын нутгаар 49.0 градус, бусад сумдын нутгаар 50.0-59.0 градус байлаа.

Хөрсний хамгийн бага температур: Нийт сумын нутгаар 2.0-8.0 градус дулаан байв.

Хур тунадас: Угтаал, Эрдэнэ, Цээл сумдын нутгаар 13.2-22.5 мм, бусад сумдын нутгаар 0-9.6 мм тунадас орсон байна.

Салхины их хурд: Зуунмод, Бүрэн, Баян, Угтаал, Мөнгөнморьт, Алтанбулаг, Батсүмбэр, өндөрширээт сумын нутгаар 20-24 м/с, бусад сумдын нутгаар 10-19 м/с хүрч салхилсан байна.  10 м/с ба түүнээс их салхитай байсан хоногийн тоо Зуунмод, Баян, Лүн, Дэлгэрхаан сумдын нутгаар 8-10, бусад сумдын нутгаар 3-7 өдөр байв.

Бэлчээрийн ургамлын ургалтын байдал: Зуунмод, Мөнгөнморьт, Алтанбулаг, Батсүмбэр, Цээл, Борнуур сумдын нутгаар ургамал цухуйсан боловч ургамлын ургалт муу, зогсонги байдалд орсон, Эрдэнэсант, Дэлгэрхаан сумдын нутгаар  бэлчээрийн ургамал цухуйлтгүй, бусад сумдын нутгаар бэлчээрийн ургамал ургамал оройтож цухуйсан, ургалт удааширч гандах төлөвтэй болсон

Бэлчээрийн ургамлын үе шат, өндөр: Жаргалант, Баян, Баянжаргалан суманд нангиад цагаан сул хиаг, саман ерхөг, крыловын хялгана, агийн цухуйлт, Алтанбулаг, Баян-Өнжүүл, Цээл сумдад агийн нахианы өсөлтийн үе шат тус тус ажиглагдсан ба бусад сумдын нутгаар бэлчээрийн ургамалд шинээр үе шатгүй ажиглагдаагүй байна. Угтаал, Жаргалант, Цээл, Заамар, Лүн, Баянчандмань, Батсүмбэр, Алтанбулаг, Зуунмод, Баян-Өнжүүл, Баянцагаан сумдын нутгаар бэлчээрийн ургамлын дундаж өндөр 2-5 см, Баянжаргалан, Баян, Баянцагаан, Аргалант, Өндөрширээт сумдын нутгаар 0-1 см байна. Эрдэнэсант, Дэлгэрхаан сумдад ургамлын өндөр хэмжих боломжгүй байна.

Хөрсний чийгийн мэдээ: Угтаал, Эрдэнэсант суманд уринштай талбайд 0-20 см, 0-50 см-ийн гүнүүдэд хангалтгүй, дунд зэрэг. Төмс тариалсан талбайд 0-20 см, 0-50 см гүнд Баянчандмань суманд хангалттай, Жаргалант сумын нутгаар чийгшил дунд зэрэг. Угтаал суманд хангалтгүй байна.

ХАА-н үйлдвэрлэлд: Ихэнх сумдын нутгаар бог, бод мал төллөх, мал оторлох, хужир шүү өгөх ажил үргэлжилж байна. Эдгээр ажилд цаг агаар тохиромжтой нөлөөлж ажил саатаагүй ба ихэнх сумдын нутгаар малын усан хангамж дунд зэрэг байна.

 

Тойм бичсэн:ХААЦУ-ын салбар хариуцсан

 технологич                    И.Түвшинжаргал