БЭЛЧЭЭРИЙН ДААЦИЙН МЭДЭЭЛЭЛ

2021-2022 ОНЫ ӨВӨЛ-ХАВРЫН БЭЛЧЭЭРИЙН

ДААЦЫГ ТОДОРХОЙЛСОН ДҮН

Монгол улсын Засгийн газрын 286 дугаар тогтоолын дагуу Ус цаг уур, орчны судалгаа, мэдээллийн хүрээлэнд 2021-2022 оны өвөл, хаврын бэлчээрийн даацыг баг бүрийн бэлчээрийн ургац, малын тоо, бэлчээрийн талбайн хэмжээ, бэлчээр ашиглах хугацаа зэрэг мэдээлэл дээр үндэслэн багийн нутгаар тооцоолж гаргав.

Зуншлагын байдлыг 10 хоног тутамд үнэлсэн зургаас үзвэл 7 дугаар сарын 20-ны байдлаар нийт нутгийн 70 орчим хувьд, 7 дугаар сарын 31-нд 70 гаруй хувьд, 8 дугаар сарын 10 гэхэд 90 орчим хувьд сайн гэж үнэлэгдсэн байна.

Улмаар 8 дугаар сарын 20-ны байдлаар нийт нутгийн 90 орчим хувьд буюу ихэнх сумдын нутгаар сайн, Бүрэн, Баян-Өнжүүл, Лүн сумдын зарим багийн нутгаар дунд буюу зуншлага оройтсон, ургамал гандаж хатсан байдалтай байна.

Бэлчээрийн даацыг тооцоолж гаргасан дүнгээс үзвэл нийт нутгийн:

20.0 % - 50 хүртэлх хувь (бэлчээрийн нөөцтэй)

35.0 % - 51-100 хувь (бэлчээр хүрэлцээтэй)

30.0 % - 101-300 хувь (даац 1-3 дахин хэтэрсэн)

5.0 % - 301-500 хувь (даац 3-5 дахин хэтэрсэн)

10.0 % - 500 хувиас их (даац олон дахин хэтэрсэн) байна.

Өөрөөр хэлбэл нийт нутгийн 30 гаруй хувьд өвөл-хаврын бэлчээрийн даац хүрэлцээтэй байхаар, харин 40 гаруй хувьд хэтэрч гарлаа.

Бэлчээрийн даац олон дахин хэтэрч (улаан) гарсан багуудад Зуунмод сумын нийт баг, Лүн, Сэргэлэн, Баянцагаан, Баяндэлгэр, Эрдэнэ сумдын зарим баг, 3-5 дахин хэтэрч (улбар шар) гарсан сумдад Угтаалийн Хар чулуут, Борнуурын Мандал баг, Баянцагаан сумын Баян-Айраг баг, Эрдэнэ сумын Тамган баг, Баяндэлгэр сумын Галуут баг, Мөнгөнморьт сумын Булаг багууд орж байна. Харин нийт нутгийн 30%-д даац 1-3 дахин хэтэрч (шар) гарсан байна.

Өвөл-хаврын бэлчээрийн даац хэтэрч гарсан сум, багийн нутагт өвс хадлан бэлтгэх, нэмэгдэл тэжээл нөөцлөх, отор нүүдэл хийх, малын тоог бууруулах зэргээр арга хэмжээг эртнээс авч хэрэгжүүлэх шаардлагатай.

ТӨВ АЙМГИЙН УЦУОШТөв

2021.08.31