2020 оны 8 дугаар сарын 3-р 10 хоногийн цаг агаарын нөхцлийн тойм

ХАА-Н ЦАГ УУРЫН ӨНГӨРСӨН АРАВ ХОНОГИЙН ТОЙМ

/2020 оны 08 дугаар сарын 03-р арав хоног/

2020.09.02                                                                                                                          Зуунмод

Агаарын дундаж температур: Нийт сумдын нутгаар 14.6-18.1 градус дулаан байлаа. Бүрэн, Угтаал, Эрдэнэсант, Батсүмбэр, Заамар, Өндөрширээт, Аргалант, Борнуур сумдын нутгаар ОЖД-аас 1.3-8.0 градусаар дулаан, бусад сумдын нутгаар ОЖД-ийн орчим байв.

Агаарын хамгийн их температур: Нийт сумдын нутгаар 22.0-30.0 градус байлаа. 30 ба түүнээс дээш давж халсан хоногийн тоо байхгүй.   

Агаарын хамгийн бага температур: Нийт  сумдын нутгаар 1-9 градус дулаан байв.

Хөрсний хамгийн их температур: Жаргалант, Мөнгөнморьт,  Заамар, Баян, Аргалант, Цээл сумдын нутгаар 48.0-50.0  градус, бусад сумдын нутгаар 52.0-62.0 градус дулаан байлаа.  40 ба түүнээс дээш халсан хоногийн тоо 4-8  байлаа.    

Хөрсний хамгийн бага температур: Нийт сумдын нутгаар 1.0-9.0 градус дулаан байв.  

Хур тунадас: Нийт сумын нутгаар 10.0-63.8 мм тунадас орсон байна. Нийт сумдын нутгаар ОЖД-аас ахиу тунадас орсон байна.

Салхины их хурд: Баян-Өнжүүл, Мөнгөнморьт суманд 8-9 м/с, бусад нутгаар 10-20 м/с ба түүнээс их салхитай байсан хоногийн тоо 1-4 өдөр байв.

Бэлчээрийн ургамлын ургалтын байдал. Баян-Өнжүүл, Бүрэн, Лүн, Эрдэнэсант, Өндөрширээт, Аргалант, Дэлгэрхаан сумдын нутгаар гандуу, Баянчандмань, Жаргалант, Зуунмод, Баян, Мөнгөнморьт, Угтаал, Батсүмбэр, Заамар, Эрдэнэ, Баянцагаан, Цээл, Борнуур сумдын нутгаар хэвийн, Баянжаргалан, Алтанбулаг сумдын нутгаар зуншлагатай байна.

Бэлчээрийн ургамлын үе шат, өндөр: Баянчандмань, Угтаал, Мөнгөнморьт, Цээл, Баянжаргалан, Эрдэнэ сумын нутгаар хялгана, Агь, ширэг улалж зэрэг ургамлын үрийн  боловсролт, Алтанбулаг сумад агийн хаталт хагдралт, Заамар  суманд хялганы  залаалалт тус тус ажиглагдсан ба бусад сумдын нутгаар бэлчээрийн ургамалд шинээр үе шат ажиглагдаагүй байна. Нийт сумдын нутгаар 3-23 см

Таримал ургамлын үе шат: Жаргалант суманд шинэ үе шатгүй, Угтаал суманд цэцэглэлтийн төгсгөл, Баянчандмань ишний гулжийтын үе шат явагдсан. Эрдэнэсант  суманд буудайн аарцан бололт, Угтаал, Цээл суманд шинэ үе шатгүй. Буудайн өндөр 38-60 см байна.

Хөрсний чийгийн мэдээ: Угтаал, Эрдэнэсант суманд буудай тариалсан талбайд 0-20 см, 0-50 см-ийн гүнүүдэд хангалтгүй, Төмс тариалсан талбайд 0-20 см, 0-50 см гүнд Баянчандмань суманд хангалттай, Жаргалант сумын нутгаар чийгшил дунд зэрэг.

Царцааны байнгын ажиглалт: Баянчандмань, Угтаал, Батсүмбэр, Зуунмод,Лүн,  Алтанбулаг, Эрдэнэ сумдын нутгаар бараан далавчит царцааны авгалдай ба бие гүйцсэн 0-6ш ажиглагдсан. Бусад сумдын нутгаар царцаа ажиглагдаагүй байна.

ХАА-н үйлдвэрлэлд: Ихэнх сумдын нутгаар мал оторлох, тэжээл бэлтгэх ажил үргэлжилж байна. Эдгээр ажилд цаг агаар тохиромжтой нөлөөлж ажил саатаагүй ба ихэнх сумдын нутгаар малын усан хангамж сайн байна.

Тойм бичсэн:ХААЦУ-ын салбар хариуцсан

 технологич                    И.Түвшинжаргал