2024 ОНЫ 04 ДҮГЭЭР САРЫН СҮҮЛИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

ХӨДӨӨ АЖ АХУЙН ЦАГ УУРЫН ТОЙМ

(2024 оны 04 сарын 3 арав хоног)

Агаарын температурын арав хоногийн дундаж Лүн, Заамар, Өндөрширээт, Аргалант, Цээл, Борнуур сумдын нутгаар 5.1-5.9 градус дулаан, бусад сумдын нутгаар 1.7-4.8 градус дулаан буюу олон жилийн дундажтай харьцуулбал нийт сумдын нутгаар дунджийн орчим буюу түүнээс 1.1-5.4 градусаар хүйтэн байлаа.

Агаарын температур өдөртөө: Нийт сумдын нутгаар 16-22 градус дулаан, шөнөдөө нийт сумдын нутгаар 2-9 градус хүйтэн байв.

Хөрсний гадаргын температур өдөртөө: Баянчандмань, Баян-Өнжүүл, Лүн, Алтанбулаг, Цээл сумдын нутгаар 41-42 градус дулаан, бусад сумдын нутгаар 36-39 градус дулаан, шөнөдөө Дэлгэрхаан сумын нутгаар 16 градус хүйтэн, бусад сумдын нутгаар 4-10 градус хүйтэн байв.

Хур тунадас: Нийт нутгийн 50 орчим хувьд 4.1-9.3 мм тунадас, 50 гаруй хувьд 10.6-20.3 мм тунадас орсон. /Сумын төвд цаг уурын өртөө, харуулын ажиглалтын талбайд хийсэн хэмжилтээр/ Орсон хур тунадасны хэмжээг олон жилийн дундажтай харьцуулбал нийт нутгаар дундажаас ахиу байлаа.

Салхины хурд: Баян-Өнжүүл, Зуунмод, Лүн, Баян, Угтаал, Эрдэнэсант, Алтанбулаг, Эрдэнэ сумдын нутгаар түр зуур 15-20 м/с буюу аюултай үзэгдлийн хэмжээнд хүрч салхилсан байна.

Бэлчээрийн ургамлын ургалтын байдал 04 дүгээр сарын 30-ны байдлаар нийт нутгийн 20 орчим хувьд буюу Мөнгөнморьт, Эрдэнэ, Аргалант, Дэлгэрхаан сумдын нутгаар муу буюу ургамал цухуйсан боловч мал бэлчээх боломжгүй, 80 гаруй хувьд дунд буюу хэвийн байна.

Тариалан бүхий нутагт 2024 оны 04 дүгээр сарын сүүлийн арав хоногт тодорхойлсон уринш болон гуурстай талбайн 0-20 см, 0-50 см гүний хөрс гэсэх үеийн ашигтай чийгийн нөөц Баянчандмань, Эрдэнэсант, Угтаал, Борнуур, Жаргалант сумдад хангалттай, Цээл суманд уринштай талбайд хангалттай, уриншгүй талбайд хангалтгүй байна.

 МАА-н үйлдвэрлэлд ихэнх нутгаар мал төллөх, ямаа самнах, нэмэгдэл тэжээл өгөх ажил үргэлжилж байна.

Тойм бичсэн:    ХААЦУ-ын салбар хариуцсан

        ерөнхий технологич                 М.Оюун-Эрдэнэ