2017 ОНЫ 4 ДҮГЭЭР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

          Агаарын дундаж температур: Баян, Мөнгөнморьт, Эрдэнэ, Баянцагаан сумдын нутгаар 2.2-3.7 градус, бусад сумдын нутгаар 4.1-7.3 градус дулаан ба Бүрэн, Баянцагаан, Цээл сумдын нутгаар ОЖД-аас 3.4-5.9 градус, бусад сумдын нутгаар 6.1-8.9 градусаар дулаан байлаа.

            Агаарын хамгийн их температур: Зуунмод, Батсүмбэр, Эрдэнэ, Аргалант, Баянчандмань сумдын нутгаар 16-18 градус дулаан, бусад сумдын нутгаар 19-21 градус дулаан байв.

            Агаарын хамгийн бага температур: Баян, Мөнгөнморьт, Алтанбулаг, Эрдэнэ, Бүрэн сумдын нутгаар 9-12 градус  хүйтэн, бусад сумын нутгаар 3-8 градус хүйтэн байлаа.

            Хөрсний хамгийн их температур: Бүрэн, Зуунмод, Лүн, Алтанбулаг, Эрдэнэ сумдын нутгаар 40-45 градус, бусад сумдын нутгаар 30-39 градус дулаан байлаа.

           Хөрсний хамгийн бага температур: Бүрэн, Зуунмод, Баян, Мөнгөнморьт, Алтанбулаг сумын нутгаар 11-14 градус, бусад сумдын нутгаар 5-9 градус хүйтэн.

            Хур тунадас: Энэ арав  хоногт Баян, Мөнгөнморьт, Баянжаргалан, Эрдэнэ, Баянцагаан сумдаар цас ороогүй, бусад сумдын нутгаар 0.0-3.9 мм цас орсон ба Зуунмод, Эрдэнэсант, Өндөрширээт суманд ОЖД-аас бага, Жаргалант, Лүн сумдын нутгаар ОЖД-ийн орчим бусад сумдын нутгаар ОЖД-аас ахиу цас орсон байна.

            Салхины их хурд: Батсүмбэр, Заамар, Цээл сумдын нутгаар 6-9 м/с, Бүрэн, Зуунмод, Лүн, Баян, Эрдэнэ сумдын нутгаар 15-19 м/с, бусад сумдын нутгаар 10-14 м/с салхитай байв. 10 м/с ба түүнээс их салхитай байсан хоногийн тоо Бүрэн, Баян, Эрдэнэ, Зуунмод, Баянчандмань сумын нутгаар 6-8, бусад сумдын нутгаар 1-5 өдөр байлаа.

            Ихэнх сумдын нутгаар бэлчээрийн ургамлын цухуйлтын үе шат ажиглагдаж эхэлсэн ба нийт нутгаар ургамлын өндөр 0-2 см, Баян-Өнжүүл, Зуунмод сумын нутгаар ургамлын ургалт хэвийн, Жаргалант, Лүн, Мөнгөнморьт, Эрдэнэ, Дэлгэрхаан, Цээл сумдын нутгаар ургамал цухуйлтгүй. Бусад сумдын нутгаар ургамал цухуйсан боловч ургалт муу мал бэлчээх боломж муутай байна.

            Хаврын хөрсний угтвар чийгийн нөөц: 0-20, 0-50 см-ийн гүндээ Баянчандмань, Борнуур сумдад 108-123% буюу хангалттай, Эрдэнэсант, Жаргалант сумдад 40-56% буюу дунд зэрэг, Угтаал сумын нутгаар 13-17% буюу хангалтгүй байна.

            ХАА-н үйлдвэрлэлийн ажлын хувьд: Нийт сумдын нутгаар бог мал төллөж дуусаад бод мал төллөж эхэлж байна. Мөн малд нэмэгдэл тэжээл өгөх ажил явагдаж байна. Нийт сумдын нутгаар малын усан хангамж сайн, ХАА-н үйлдвэрлэлд явагдаж буй ажилд болон малд цаг агаарын байдал тохиромжтой нөлөөлсөн байна. 

Тойм бичсэн:    ХААЦУ-ын салбар хариуцсан    ерөнхий технологич       М.Оюун-Эрдэнэ

                                                                  2017 оны 04 дүгээр сарын 1-р 10 хоногийн цаг агаарын үзүүлэлтүүд