2023 ОНЫ 06 ДУГААР ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

Агаарын температурын арав хоногийн дундаж Баянчандмань, Зуунмод, Баян, Мөнгөнморьт, Батсүмбэр, Эрдэнэ сумдын нутгаар 12.9-14.5 градус дулаан бусад сумдын нутгаар 15.2-19.1 градус дулаан буюу олон жилийн дундажтай харьцуулбал Бүрэн, Баян-Өнжүүл, Зуунмод, Баян, Эрдэнэсант, Алтанбулаг, Баянцагаан сумдын нутгаар дунджийн орчим, бусад сумдын нутгаар дунджаас 1.1-2.4 градусаар дулаан байлаа.

Агаарын температур өдөртөө: Баян, Мөнгөнморьт, Баянжаргалан, Эрдэнэ сумдын нутгаар 23-24 градус дулаан, бусад сумдын нуггаар 25-30 градус дулаан, шөнөдөө Мөнгөнморьт сумдын нутгаар 1 градус хүйтэн, бусад сумдын нутгаар 1-8 градус дулаан байв.

Хөрсний гадаргын температур өдөртөө: Зуунмод, Аргалант сумдын нутгаар 46-47 градус дулаан, бусад сумдын нутгаар 51-60 градус дулаан, шөнөдөө Эрдэнэ сумын нутгаар 0 градус дулаан, бусад сумдын нутгаар 1-6 градус дулаан байв.

Хур тунадас: Нийт нутгийн 90 орчим хувьд 0.3-14.8 мм, Дэлгэрхаан, Борнуур сумдын нутгаар 21.5-25.4 мм тунадас орсон. /Сумын төвд цаг уурын өртөө, харуулын ажиглалтын талбайд хийсэн хэмжилтээр/ Орсон хур тунадасны хэмжээг олон жилийн дундажтай харьцуулбал 70 орчим хувьд дунджаас бага, 30 гаруй хувьд дунджийн орчим буюу түүнээс ахиу байлаа.

Салхины их хурд: Баян-Өнжүүл, Зуунмод, Эрдэнэсант, Алтанбулаг, Угтаал, Баянжаргалан сумдын нутгаар түр зуур 15-17 м/с буюу аюултай үзэгдлийн хэмжээнд хүрч салхилсан байна.

Зуншлагын байдал 06 дугаар сарын 10-ны байдлаар Бүрэн, Лүн, Баян, Баянжаргалан, Батсүмбэр, Өндөрширээт, Эрдэнэ, Аргалант, Баянцагаан сумдын нутгаар дунд, бусад сумдын нутгаар хэвийн байна.

Газар тариалангийн үйлдвэрлэлд тариалан бүхий нутгаар үр тариа, төмс тариалах ажил хийгдэж байгаа бол МАА-н үйлдвэрлэлд мал хөнгөлөх, оторлох ажил хийгдэж байна.

Тойм бичсэн:    ХААЦУ-ын салбар хариуцсан

ерөнхий технологич                 М.Оюун-Эрдэнэ