2024 ОНЫ 1 ДҮГЭЭР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

ХАА-н үйлдвэрлэлд хэрхэн нөлөөлсөн тухай тойм /2024 оны 1-р сарын 01-р 10 хоног/

Агаарын температурын арав хоногийн дундаж Баянчандмань, Жаргалант, Зуунмод, Эрдэнэсант, Баянжаргалан, Батсүмбэр, Заамар, Борнуур, Цээл, Дэлгнрхаан, Баянцагаан, Аргалант, Эрдэнэ сумдын нутгаар 10.0-18.1 градус хүйтэн, бусад сумдын нутгаар 20.0-24.5 градус хүйтэн буюу олон жилийн дундажтай харьцуулбал нийт сумдын нутгаар дунджаас 1.9-10.1 градусаар дулаан байлаа.

Агаарын температур өдөртөө: Эрдэнэ, Өндөрширээт, Алтанбулаг, Бүрэн сумдын нутгаар 8-11 градус хүйтэн, бусад сумдын нутгаар 2-7 градус хүйтэн, шөнөдөө Баянчандмань, Жаргалант, Зуунмод, Эрдэнэсант, Баянуагаан, Дэлгэрхаан, Борнуур сумдын нутгаар 24-28 градус хүйтэн, бусад сумдын нутгаар 29-36 градус хүйтэн байв.

Хөрсний гадаргын температур өдөртөө: Баянчандмань, Баян-Өнжүүл, Баян, Эрдэнэсант суманд 0-1 градус дулаан, Зуунмод, Лүн, Угтаал, Алтанбулаг сумдын нутгаар 2-8 градус хүйтэн, шөнөдөө Баян-Өнжүүл, Баянчандмань, Зуунмод, Лүн, Угтаал, Эрдэнэсант, Алтанбулаг сумдын нутгаар 35-40 градус хүйтэн байв.

Хур тунадас: Нийт нутгаар 0.0-4.3 мм орсон. /Сумын төвд цаг уурын өртөө, харуулын ажиглалтын талбайд хийсэн хэмжилтээр/ Орсон хур тунадасны хэмжээг олон жилийн дундажтай харьцуулбал 90 гаруй хувьд дундажийн орчим буюуу түүнээс ахиу, 10 орчим хувьд дунджаас бага байлаа.

Салхины хурд:  Жаргалант, Мөнгөнморьт, Алтанбулаг, Батсүмбэр, Аргалант, Борнуур, Угтаал, Өндөрширээт сумдын нутгаар 8-10 м/с, бусад сумдын нутгаар 11-18 м/с хүрч салхилсан байна.

Сумын төвд тогтсон цэгт хээрийн цасны 10 хоногт нэг удаа хийдэг хээрийн цасны хэмжилтийн мэдээгээр 1 дүгээр сарын 10-ны байдлаар нийт нутгаар цастай байгаагаас Аргалант, Баянцагаан, Дэлгэрхаан, Батсүмбэр сумдын нутгаар 6-9 см, бусад сумдын нутгаар 10-21 см зузаан цастай байна.

Засгийн газрын 286 дугаар тогтоолын дагуу зудын байдалд үнэлгээ хийхэд Бүрэн, Лүн, Угтаал, Эрдэнэсант, Алтанбулаг, Өндөрширээт суманд зузаан цастайн улмаас цагаан зудын нөхцөл бүрдсэн бол Баянчандмань, Баян-Өнжүүл, Зуунмод, Баян, Баянжаргалан, Цээл, Заамар, Борнуур сумдын нутгаар цагаанаар зудархуу байдалтай байна.

Зарим сумдад 1-10 хоног бэлчээрлэлт хүндэрсэн мэдээтэй байна. МАА-н үйлдвэрлэлд хужир шүү бэлтгэх, мал оторлуулах, нэмэгдэл тэжээл өгөх ажил үргэлжлэн хийгдэж байна.

Тойм бичсэн:    ХААЦУ-ын салбар хариуцсан

ерөнхий технологич                 И.ТҮВШИНЖАРГАЛ