> Цаг уурын шинжилгээний мэдээ

Төв аймгийн 2019 оны 03-р сарын цаг уурын тойм

Шинэчлэгдсэн: 2019-06-18 06:08:10

Төв аймгийн 2019 оны 03 дугаар сарын цаг уурын тойм

                   03 дугаар сарын агаарын дундаж температур -2.5...-7.5 градус, олон жилийн дундаж

              /ОЖД/-тай харьцуулахад бүх сумдын нутгаар 3.1-6.3 градусаар дулаан байлаа.

              Зураг.1  Зураг.2

                                                Зураг.1                                                                       Зураг.2

                    

 

Агаарын үнэмлэхүй их температур Борнуур суманд 16-ны өдөр +15.1 градус, үнэмлэхүй бага температур Эрдэнэ суманд 01-ний өдөр -21.8 градус хүрсэн байна.

Хөрсний үнэмлэхүй их температур Лүн суманд 31-ний өдөр +40.0 градус, үнэмлэхгүй бага температур Мөнгөнморьт, Эрдэнэ суманд 02, 28-ны өдөр -27 градус хүрсэн байна.

03 дугаар сард 0.0-2.4 мм тунадас орсноос Баян суманд 2.4 мм, Мөнгөнморьт, Лүн, Жаргалант, Батсүмбэр, Цээл сумдын нутгаар 0.0 мм тунадас орсон бөгөөд ОЖД-тай харьцуулахад бүх сумдын нутгаар уг дунджаас бага, Баян суманд дунджийн орчим тунадас орсон байна. Алтанбулаг суманд тунадас ороогүй.                Зураг.3                   Зураг.4

 

                          Зураг.3                                                                          Зураг.4

 

Салхины хамгийн их хурд 15-22 м/с хүрснээс Эрдэнэсант суманд 22 м/с, Баян, Лүн, Жаргалант, Баянжаргалан сумдад 15м/с, бусад сумдын нутгаар 10-14 м/с салхитай байлаа. 10 м/с-ээс дээш салхитай өдрийн тоо 4-21 өдөр байсны 21 өдөр нь Зуунмод суманд, 4 өдөр нь Заамар суманд ажиглагдлаа.

                   Цасан бүрхүүл: Баян, Эрдэнэсант, Угтаал, Бүрэн, Баянжаргалан, Баянцагаан, Эрдэнэ,

        Дэлгэрхаан сумдын нутгаар цасны өндөр 1-4 см, 8-10 балл цастай, бусад сумдын нутгаар

        цасан бүрхүүлгүй байлаа.

            Явган шороон шуурга ажиглагдсан хамгийн их өдөр нь 15 өдөр буюу Эрдэнэ суманд,

шороон шуурга ажиглагдсан хамгийн их өдөр нь 4 өдөр буюу Аргалант суманд тус тус ажиглагдлаа.

 

 

 

 

 Тойм бичсэн:

ЦУУА-ын салбар хариуцсан ерөнхий технологич               Л.Энхцэцэг