Төв аймгийн 2017-2018 оны өвлийн улирлын цаг уурын тойм

Төв аймгийн 2017-2018 оны өвлийн улирлын цаг уурын тойм

2017-2018 оны өвлийн улирлын /12, 1, 2-р сар/ агаарын дундаж температур -16.2...-23.5 градус байв. ОЖД-тай харьцуулахад Зуунмод, Угтаал, Алтанбулаг, Баян-Өнжүүл, Баянчандмань, Бүрэн, Лүн, Борнуур сумдын нутгаар -1.1...-2.7 градусаар хүйтэн, бусад сумдын нутгаар ОЖД-ын орчим байлаа.

             Агаарын үнэмлэхүй бага температур Баян-Өнжүүл, Алтанбулаг суманд -43.6...-43.8 градус, бусад сумдын нутгаар -36.4...-43.1 градус байв.

           Агаарт 30 градус буюу түүнээс дээш  хүйтэрсэн өдрийн тоо 7-49 өдөр байв.

            2018 оны өвлийн улиралд 1.0-11.9 мм тунадас орсон нь Зуунмод, Эрдэнэсант, Баян-Өнжүүл, Баянчандмань, Лүн сумдын нутгаар ОЖД-ын орчим, Баян, Мөнгөнморьт, Алтанбулаг, Жаргалант, Баянжаргалан, Цээл, Баянцагаан, Эрдэнэ, Өндөрширээт сумдын нутгаар ОЖД-аас бага, Угтаал, Бүрэн, Борнуур, Заамар, Батсүмбэр, Аргалант, Дэлгэрхаан сумдын нутгаар ОЖД-аас ахиу тугадас орсон. Мөнгөнморьт суманд 12-р сард тунадас ороогүй.

Өвлийн улиралд салхины хамгийн их хурд 6-26 м/с, Дэлгэрхаан суманд 6 м/с, Зуунмод суманд 26 м/с, бусад сумдын нутгаар 9-20 м/с салхитай байв. 10 м/с-ээс дээш салхитай өдрийн тоо 1-32 өдөр, бусад сумдын нутгаар 2-29 өдөр байв. Борнуур, Заамар, Цээл, Баянцагаан суманд 10 м/с-ээс дээш салхитай өдөр ажиглагдаагүй.

Цасны дундаж зузаан 1-18 см, Баянцагаан суманд 1 см, Цээл суманд 18 см, бусад сумдын нутгаар 5-14 см  байсан ба цасны дундаж нягт 0.13-0.27 г/см³, бусад сумдын нутгаар 0.14-0.25 г/см³ нягттай байлаа. Баянцагаан сумын нутгаар цасны нягт хэмжих нөхцөл бүрдээгүй.

 Тойм бичсэн:

ЦУУА-ын салбар хариуцсан ерөнхий технологич ................ Л. Энхцэцэг