Төв аймгийн 2020 оны жилийн цаг уурын тойм

ТӨВ АЙМГИЙН 2020 ОНЫ ЦАГ УУРЫН ЖИЛИЙН ТОЙМ

                       2021.03.02                                                                                    Зуунмод

Температур                                                                                            

2020 оны жилийн агаарын дундаж температур -2.0⁰…+2.5⁰ байсан нь /Зураг-1/ ОЖД-тай харьцуулахад бүх сумдын нутгаар дунджаас 0.5⁰-2.1⁰-аар дулаан байв. /Зураг-2/                            

              Зураг-1                                                                       Зураг-2  

       Агаарын үнэмлэхүй их температур 7 дугаар сарын 22-нд нийт нутгаар 30.3⁰...36.9⁰ хүрч халсан ба Лүн, Өндөрширээт сумдын нутгаар 36.6^0...36.9⁰ байлаа.

      Агаарт 30 градусаас дулаан өдрийн тоо 1-19 өдөр байснаас 19 өдөр нь Лүн, Өндөрширээт суманд, 1 өдөр нь Мөнгөнморьт, Эрдэнэ суманд ажиглагдсан.

      Агаарын үнэмлэхүй бага температур 12 дугаар сарын 28, 29-нд нийт нутгаар -42.0⁰....-32.6⁰ хүрснээс Алтанбулаг, Бүрэн, Лүн, Өндөрширээт сумдын нутгаар -42.0⁰...-40.4⁰ хүрч хүйтэрсэн байна.

     Агаарт 30 градусаас хүйтэн өдрийн тоо 3-57 байснаас 57 өдөр нь Алтанбулаг суманд, 3 өдөр нь Зуунмод, Эрдэнэсант, Баянчандмань, Баянцагаан суманд ажиглагдсан.

     Хөрсний үнэмлэхүй их температур 58⁰...66⁰ хүрч халсан ба Эрдэнэсант суманд 66⁰, Баянөнжүүл, Баянчандмань сумдын нутгаар 64⁰ хүрч халсан.

     Хөрсөнд 40 градусаас дулаан өдрийн тоо 70-134 өдөр байсны 134 өдөр нь Лүн суманд, 70 өдөр нь Эрдэнэд суманд ажиглагдсан.

     Хөрсний үнэмлэхүй бага температур 12 дугаар сарын 29-нд нийт нутгаар -43⁰...-34⁰ хүрснээс Лүн, Бүрэн, Баян, Угтаалд -43...-42⁰ хүрч хүйтэрлээ.

  Хур тунадас

2020 онд 113.3-415.6 мм тунадас орсноос Батсүмбэр суманд 415.6 мм, Дэлгэрхаан суманд 113.3 мм тунадас орсон. /Зураг-3/ ОЖД-тай харьцуулахад Дэлгэрхаан, Аргалант сумдын нутгаар дунджаас бага, Эрдэнэсант, Угтаал, Баянөнжүүл, Бүрэн, Лүн, Жаргалант, Заамар, Өндөрширээт сумдын нутгаар дунджийн орчим, бусад сумдын нутгаар дунджаас ахиу тунадас оржээ. / Зураг-4/   Энэ оны 01 дүгээр сард Бүрэн, Өндөрширээт сумдад тунадас ороогүй байна.

                          Зураг.3                                                                               Зураг.4 

Салхи

       Жилийн салхины дундаж хурд: 1.7-3.8 м/с байснаас хамгийн их нь Бүрэн 3.8 м/с,  Зуунмод 3.7 м/с, хамгийн бага нь Батсүмбэр суманд 1.7 м/с байлаа.                   

       Салхины хамгийн их хурд 12-30 м/с хүрснээс Лүн суманд 30 м/с, Бүрэн, Баянөнжүүл, Угтаал, Жаргалант, Борнуур сумдад 28 м/с хүрч салхилсан байна.

      15 м/с-ээс их хурдтай салхитай өдрийн тоо 6-66 өдөр байснаас Зуунмодод 66 өдөр, хамгийн цөөн нь Баянчандманьд 6 өдөр, Мөнгөнморьтод 7 өдөр, Жаргалантад 8 өдөр байлаа.

Шуурга:

     Явган шороон шуургатай өдрийн тоо 3-57 байснаас 57 өдөр нь Бүрэн суманд, шороон шуургатай өдрийн тоо 1-29 байснаас 29 өдөр нь Эрдэнэсант, Бүрэнд 26 өдөр, Баянөнжүүл суманд  23  өдөр ажиглагдлаа.

      Явган цасан шуургатай өдрийн тоо 1-22 байсны 22 өдөр нь Зуунмод суманд, намын цасан шуургатай өдрийн тоо 1-9 байсны 9 өдөр нь Эрдэнэ суманд, орон шуургатай өдрийн тоо 1-25 байсны 25 өдөр нь Зуунмод суманд ажиглагдлаа.

               Тойм бичсэн:ЦУУА-ын салбар хариуцсан ерөнхий технологич: ............А.Даваасүрэн

          ЦУУА-ын салбар хариуцсан технологич:  ............ Л.Энхцэцэг