Мэдээлэл > Уур амьсгалын өөрчлөлт, хандлага
Төв аймгийн 2021 оны зуны /06, 07, 08-р сар/ улирлын тойм
ТӨВ АЙМГИЙН 2021 ОНЫ ЗУНЫ УЛИРЛЫН ЦАГ УУРЫН ТОЙМ
АГААРЫН ТЕМПЕРАТУР
2021 оны зуны улирлын / 06, 07, 08-р сар / агаарын дундаж температур: нийт нутгаар +14.0°С... +18.6°С байснаас Мөнгөнморьт суманд +14.0°С, Баян-Өнжүүл суманд +18.6°С байв. /Зураг-1/
Олон жилийн дундажтай харьцуулахад Зуунмод, Баян, Мөнгөнморьт, Алтанбулаг, Баян-Өнжүүл, Бүрэн, Лүн, Батсүмбэр, Аргалант, Эрдэнэ сумдын нутгаар 0.1°С...0.9°С градус орчим, бусад сумдын нутгаар 1.1°С...2.7°С градусаар хүйтэн байв. /Зураг-2/
Зураг.1 Зураг.2
Агаарын хамгийн их температур: +29.1°С...+35.3°С байснаас 06 дугаар сарын 27-нд Лүн суманд +35.3°С хүрсэн.
Агаарын хамгийн бага температур: -4.4°С...+2.0°С байснаас Эрдэнэ суманд 06 дугаар сарын 01-ний өдөр -4.4°С хүрсэн.
Агаарт 30°С буюу түүнээс дээш халсан өдрийн тоо: 1-17 өдөр байсны 17 өдөр нь Лүн суманд, Батсүмбэр суманд 1 өдөр ажиглагдлаа.
ХӨРСНИЙ ТЕМПЕРАТУР
Зуны улирлын хөрсний дундаж температур: нийт нутгаар +18°С... +26°С байснаас Баянцагаан суманд +26°С, Зуунмод суманд +18°С байлаа.
Хөрсний хамгийн их температур: +59°С...+67°С хүрсэн ба 07 дугаар сарын 08-нд Цээл суманд +67°С хүрсэн.
Хөрсний хамгийн бага температур: -4°С...+1°С байснаас Зуунмод суманд 06 дугаар сарын 01-ний өдөр -4°С хүрсэн байна.
Хөрсөнд 40°С буюу түүнээс дээш халсан өдрийн тоо: 24-74 өдөр байсны 74 өдөр нь Лүн суманд, 24 өдөр нь Бүрэн суманд ажиглагдлаа.
ХУР ТУНАДАС 2021 оны зуны улиралд 60.1-353.8 мм тунадас орсон. Хамгийн их нь Батсүмбэр суманд 353.8 мм, хамгийн бага нь Баян-Өнжүүл суманд 60.1 мм орсон. /Зураг-3/
Олон жилийн дундажтай харьцуулахад: Зуунмод, Алтанбулаг, Баян-Өнжүүл, Бүрэн, Эрдэнэ, Дэлгэрхаан суманд ОЖД-аас бага, Баян, Мөнгөнморьт, Эрдэнэсант, Угтаал, Баянчандмань, Лүн, Заамар сумдын нутгаар ОЖД-ын орчим, Жаргалант, Борнуур, Баянжаргалан, Батсүмбэр, Цээл, Баянцагаан сумдын нутгаар ОЖД-аас ахиу тунадас орсон байна. /Зураг-4/
Зураг.3 Зураг.4
Салхины дундаж хурд: нийт нутгаар 1.0-4.4 м/с байснаас Зуунмод, Дэлгэрхаан сумдын нутгаар 4.0-4.4 м/с байв.
Салхины их хурд: 10-25 м/с хүрснээс Зуунмод, Алтанбулаг, Бүрэн суманд 25м/с хүрч салхилсан байна.
10м/с-ээс дээш хурдтай өдрийн тоо: нийт нутгаар 7-52 өдөр байсны 52 өдөр нь Зуунмод суманд, 7 өдөр нь Цээл суманд ажиглагдсан.
15 м/с-ээс дээш хурдтай өдрийн тоо: 2-23 өдөр байснаас Зуунмод суманд 23 өдөр ажиглагдав.
Жич: 06 дугаар сард Баян-Өнжүүл цаг уурын өртөө, Заамар, Өндөрширээт цаг уурын харуул, 07 дугаар сард Өндөрширээт цаг уурын харуул “Ковид”-н улмаас түр хаагдсан болно.
Тойм бичсэн:
ЦУУА-ын инженер ..........С.Ядамдулам
Л.Энхцэцэг