Төв аймгийн 2017 оны уур амьсгалын жилийн тойм

Төв аймгийн 2017 оны уур амьсгалын жилийн тойм 

2017 оны жилийн агаарын дундаж температур -2.2...+2.6 градус байсан нь ОЖД-тай  

харьцуулахад Баян, Мөнгөнморьт, Алтанбулаг, Баян-Өнжүүл, Цээл сумдын нутгаар ОЖД-

ын орчим, бусад сумдын нутгаар ОЖД-аас дулаан байсан.

Агаарын үнэмлэхүй их температур +29.6...+40.0 градус хүрч халсан ба Батсүмбэр суманд 7-р сарын 1-нд +40.0 градус хүрч халсан байна.

Агаарт 30 градусаас дулаан байсан өдрийн тоо 7-39 өдөр байв.

Агаарын үнэмлэхүй бага температур -23.7...-47.0 градус хүйтэн ба Өндөрширээт суманд 1- р сарын 19-нд -47.0 градус хүрч хүйтэрсэн.

Хөрсний үнэмлэхүй их температур +59...+66 градус хүрч халсан ба Баян, Баян-Өнжүүл, Бүрэн, Лүн, Жаргалант суманд +66 градус хүрч халсан.

Хөрсний үнэмлэхүй бага температур -36...-44 градус хүйтэн ба Баян суманд 1-р сарын 30-нд -44 градус хүрч хүйтэрсэн.

Хөрсөнд 40 градусаас дулаан байсан өдрийн тоо 11-126 өдөр байв.

2017 онд 135.6-368.9 мм тунадас орсон нь Баянжаргалан суманд 135.6 мм, Мөнгөнморьт суманд 368.9 мм тунадас орсон.

ОЖД-тай харьцуулахад Мөнгөнморьт, Алтанбулаг, Борнуур, Баянцагаан, Эрдэнэ сумдын нутгаар ОЖД-аас ахиу, бусад сумдын нутгаар ОЖД-ын орчим тунадас орсон.

2-р сард Баян, Баянцагаан сум, 3-р сард Баян-Өнжүүл, Лүн, Баянжаргалан, Баянцагаан, Өндөрширээт сум, 10-р сард Баянцагаан сум, 12-р сард Мөнгөнморьт суманд тунадас ороогүй.

  Салхины их хурд 12-30 м/с, Борнуур, Баянцагаан, Дэлгэрхаан суманд 12 м/с, Зуунмод суманд 30 м/с, бусад сумдын нутгаар 14-28 м/с салхитай байсан.

  10 м/с-ээс их хурдтай өдрийн тоо 4-176 өдөр, Борнуур, Баянцагаан суманд 4 өдөр, Зуунмод суманд 176 өдөр, бусад сумдын нутгаар 5-153 өдөр байв.

  Явган цасан шуургатай өдрийн тоо 1-38 өдөр, намын цасан шуургатай өдрийн тоо 1-4 өдөр, орон шуургатай өдрийн тоо 1-29 өдөр, явган шороон шуургатай өдрийн тоо 7-60 өдөр, шороон шуургатай өдрийн тоо 1-27 өдөр, Жаргалант, Борнуур, Заамар сумдын нутгаар ЯЦШ ажиглагдаагүй.

Тойм бичсэн:

ЦУУА-ын салбар хариуцсан ерөнхий технологич                        Л. Энхцэцэг