ТӨВ АЙМГИЙН 2022-2023 ОНЫ ӨВЛИЙН УЛИРЛЫН ЦАГ УУРЫН ТОЙМ

ТӨВ АЙМГИЙН 2022-2023 ОНЫ ӨВЛИЙН УЛИРАЛ /12, 01, 02-Р САР/-ЫН ЦАГ УУРЫН ТОЙМ

АГААРЫН ТЕМПЕРАТУР                                                                                              2023.03.24

2022-2023 оны өвлийн улирлын (12, 01, 02-р сар) агаарын дундаж температур: нийт нутгаар -13.9°С...-24.2°С байснаас Дэлгэрхаан суманд -13.9°С, Алтанбулаг суманд -24.2°С байв. (Зураг-1) Олон жилийн дундажтай харьцуулахад Зуунмод, Эрдэнэсант, Угтаал, Баян-Өнжүүл, Баянчандмань, Лүн, Жаргалант, Баянжаргалан, Цээл, Аргалант, Эрдэнэ, Өндөрширээт сумдын нутгаар -0.3°С...-1.0°С градус орчим, Баян, Мөнгөнморьт, Алтанбулаг, сумдын нутгаар -1.1°С...-2.2°С-ээр хүйтэн, бусад сумдын нутгаар 1.3°С...2.5°С-ээр дулаан байлаа. (Зураг-2)

                                          Зураг.1                                                                     Зураг.2

            Агаарын хамгийн их температур: -5.1°С...+10.7°С байснаас 02 дугаар сарын 26-нд Бүрэн суманд +10.7°С хүрсэн байна.

            Агаарын хамгийн бага температур: -31.8°С...-45.3°С байснаас 01 дүгээр сарын 23-нд Алтанбулаг суманд -45.3°С хүрч хүйтэрсэн байна.

            Агаарт 30 градус буюу түүнээс хүйтэрсэн өдрийн тоо: 4-36 өдөр байсны 36 өдөр нь Алтанбулаг суманд ажиглагдсан.

ХӨРСНИЙ ТЕМПЕРАТУР

Өвлийн улирлын хөрсний дундаж температур: нийт нутгаар -18°С...-25°С байснаас Эрдэнэсант суманд -18°С, Алтанбулаг суманд -25°С байлаа. Хөрсний хамгийн их температур: 1°С...25°С хүрснээс 02 дугаар сарын 26-нд Эрдэнэсант суманд 25°С ажиглагдсан. Хөрсөнд 40 градус буюу түүнээс хүйтэн өдрийн тоо: 12 дугаар сард 1-2 өдөр, Алтанбулаг суманд 1 өдөр, Эрдэнэ суманд 2 өдөр ажиглагдлаа. 01 дүгээр сард 1-10 өдөр байсны 10 өдөр нь Алтанбулаг суманд, 1 өдөр нь Зуунмод, Баянчандмань, Өндөрширээт суманд, Баян, Угтаал, Баян-Өнжүүл, Эрдэнэ сумдад 2-7 өдөр, бусад сумдын нутгаар ажиглагдаагүй. 02 дугаар сард ажиглагдаагүй.                        

ХУР ТУНАДАС

            2022-2023 оны өвлийн улиралд 0.7-12.7 мм тунадас орсноос Баянцагаан суманд 0.7 мм, Угтаал суманд 12.7 мм орсон. (Зураг-3) Олон жилийн дундажтай харьцуулахад: Угтаал, Баянчандмань, Аргалант сумдын нутгаар дунджаас ахиу, Эрдэнэсант, Баян-Өнжүүл, Бүрэн, Баянжаргалан, Заамар, Батсүмбэр, Баянцагаан, Дэлгэрхаан сумдын нутгаар дунджаас бага, бусад сумдын нутгаар дунджийн орчим тунадас орсон байна. (Зураг-4) 

                                  Зураг.3                                                                       Зураг.4

САЛХИ

Салхины дундаж хурд: нийт нутгаар 0.1-4.6 м/с байснаас Батсүмбэр суманд 0.1 м/с (02-р сард), Баянжаргалан суманд 4.6 м/с (02-р сард) хүрсэн. Салхины их хурд: 10-19 м/с байснаас Баян-Өнжүүл суманд 10 м/с, Зуунмод, Угтаал суманд 01 дүгээр сарын 12, 19-нд 19 м/с хүрч салхилсан. 10 м/с-ээс дээш хурдтай өдрийн тоо : нийт нутгаар 2-16 өдөр байснаас Мөнгөнморьт, Алтанбулаг, Жаргалант суманд 2 өдөр, Баянжаргалан суманд 16 өдөр байв. 15 м/с-ээс дээш хурдтай өдрийн тоо : 12 дугаар сард Зуунмод, Баян, Бүрэн, Эрдэнэ, Дэлгэрхаан суманд 1 өдөр, 01 дүгээр сард Зуунмод, Угтаал, Алтанбулаг, Жаргалант суманд 1-3 өдөр, бусад сумдын нутгаар ажиглагдаагүй, харин 02 дугаар сард Зуунмод, Угтаал, Баянжаргалан суманд 1-2 өдөр, бусад сумдын нутгаар 15 м/с-ээс дээш хурдтай өдөр ажиглагдаагүй байна.

Өвлийн улиралд орон шуургатай өдрийн тоо 27, намын цасан шуургатай өдрийн тоо 8, явган цасан шуургатай өдрийн тоо 94 өдөр ажиглагдсан байна.

 Тойм бичсэн:

ЦУУА-ын инженер .......... Л.Энхцэцэг