ТӨВ АЙМГИЙН 2021 ОНЫ ЦАГ УУРЫН ЖИЛИЙН ТОЙМ

ТӨВ АЙМГИЙН 2021 ОНЫ ЦАГ УУРЫН ЖИЛИЙН ТОЙМ

2022.02.09                                                                                                                                  Зуунмод сум

       Температур                                                                                         

2021 оны жилийн агаарын дундаж температур -2.4°С …+2.4°С байснаас Өндөрширээт  суманд -2.4°С, Дэлгэрхаан суманд 2.4°С байсан ба /Зураг-1/ ОЖД-тай харьцуулахад Баян, Бүрэн, Батсүмбэр, Баянцагаан, Эрдэнэ, Дэлгэрхаан сумдын нутгаар ОЖД-аас 1.1°С...2.0°С –ээр дулаан, Өндөрширээт суманд -2.8°С –ээр хүйтэн, бусад сумдын нутгаар -0.5°С ...1.0°С  орчим байлаа./Зураг-2/   

Зураг-1                                                                       Зураг-2  

            Агаарын үнэмлэхүй их температур 29.1°С ...35.3°С байснаас 06 дугаар сарын 27-нд Лүн суманд 35.3°С хүрч халсан.

Агаарт 30 градусаас дулаан өдрийн тоо 1-17 өдөр байснаас 17 өдөр нь Лүн суманд, 1 өдөр нь Батсүмбэр суманд ажиглагдсан.

Агаарын үнэмлэхүй бага температур 01 дүгээр сарын 04-нд Алтанбулаг суманд -44.1°С хүрч хүйтэрсэн байна.

Агаарт 30 градусаас хүйтэн өдрийн тоо 4-38 байснаас 38 өдөр нь Алтанбулаг суманд, 4 өдөр нь Заамар суманд ажиглагдсан.

Хөрсний үнэмлэхүй их температур 44°С...67°С байснаас Цээл суманд 07 дугаар сарын 08-нд  67°С хүрч халсан.

Хөрсөнд 40 градусаас дулаан өдрийн тоо 44-115 өдөр байсны 115 өдөр нь Алтанбулаг суманд, 44 өдөр нь Бүрэн суманд ажиглагдсан.

Хөрсний үнэмлэхүй бага температур 01 дүгээр сарын 04, 06, 28-ны өдрүүдэд нийт нутгаар -46°С ...-37°С хүрснээс Алтанбулаг суманд 01 дүгээр сарын 04-нд -46°С хүрч хүйтэрсэн.

Хур тунадас

2021 онд 48.2-538.6 мм тунадас орсноос Батсүмбэр суманд 538.6 мм, Өндөрширээт суманд 48.2 мм тунадас орсон. /Зураг-3/ ОЖД-тай харьцуулахад Зуунмод, Баян-Өнжүүл, Аргалант, Өндөрширээт сумдын нутгаар дунджаас бага, Мөнгөнморьт, Эрдэнэсант, Алтанбулаг, Баянчандмань, Бүрэн, Лүн, Заамар, Эрдэнэ, Дэлгэрхаан сумдын нутгаар дунджийн орчим, бусад сумдын нутгаар дунджаас ахиу тунадас орсон. / Зураг-4/

                          Зураг.3                                                                               Зураг.4 

      Салхи

Жилийн салхины дундаж хурд 1.3-4.1 м/с байснаас хамгийн их нь Зуунмод суманд 4.1 м/с,  хамгийн бага нь Батсүмбэр суманд 1.3 м/с байлаа.                   

Салхины хамгийн их хурд 14-32 м/с хүрснээс Бүрэн суманд 03 дугаар сарын 14-ний өдөр 32 м/с хүрч салхилсан байна.

15 м/с-ээс их хурдтай салхитай өдрийн тоо 4-99 өдөр байснаас Зуунмодод 99 өдөр, Өндөрширээт суманд 4 өдөр байлаа.

       Шуурга

Явган шороон шуургатай өдрийн тоо 1-48 байснаас 48 өдөр нь Бүрэн суманд, шороон шуургатай өдрийн тоо 1-24 байснаас 24 өдөр нь Бүрэнд суманд ажиглагдлаа.

Явган цасан шуургатай өдрийн тоо 1-33 байсны 33 өдөр нь Зуунмод суманд, намын цасан шуургатай өдрийн тоо 1-11 байсны 11 өдөр нь Зуунмод суманд, орон шуургатай өдрийн тоо 2-32 байсны 32 өдөр нь Зуунмод суманд ажиглагдлаа.

                                    Тойм бичсэн:

ЦУУА-ын салбар хариуцсан ерөнхий технологич: ............Л.Энхцэцэг